NCOPP’’A NU SCOGLIO di Wincenzo De Bernardo

Io stevo, ncopp’’o scoglio, per lanciarmi,
quando nu pesciolino, con un guizzo,
facenno na resata, mpont’’o pizzo:
-“ Che fai, overamente, vuò murì?!”-

E io, llà, pronto,con la pietra al collo,
na busta, nterra..., gli ultimi saluti,
ho preso tempo: “ Si, aggio bevuto
e nun me rendo conto ‘e che sto a fa!”-

Da parte sua, ‘o pesce, sott’’o cuollo,
aveva, in modo da tenersi a galla,
na corda cu nu palluncino giallo,
pecchè sott’acqua nun vuleva sta.

E m’è venuto un dubbio e ho domandato:
-“Ma pure tu tenevi st’intenzione?
Forse, sott’acqua, nun te truove buono,
pirciò, ccà fore, cirche d’’a fernì!?”-

E ‘o pesce, fra na bolla d’aria e n’ata:
-“ Llà sotto, ‘o vuò capì, pe’ nuje è na guerra,
passa nu pesce gruosso e si t’afferra,
nu muorzo e addù chi vai a reclamà?

Pe’ nuje, nun è c’’a vita è accussì allera,
si nun te guarde ‘e spalle, muore acciso,,
succede tutt’’e juorne..., tu m’he ntiso,
‘a me, nun te può fa commiserà!

Llà sotto è na battaglia quotidiana,
per noi vale la legge del più forte,
cercavo di passare a miglior sorte...,
invece, tu, pecchè ‘o vulive a fa?”-

- “ Tu vuò sapè pecchè m’ero stancato
e steve a me menà, llà sotto, nfunno?
Embè, m’ero stancato ‘e chisto munno,
l’elenco è gruosso, ma che parlo a fa!”-

-“ E dimme..., solamente na ragione...”-
-“ Na femmena nfamona, m’ha lasciato!”-
-“Quando si’ scemo, te ne truove n’ata...,
e tu, sulo pe’ chesto, vuò murì?

Ma, allora, è overo che tu stai a digiuno?”-
-“ No, io aggio mangiato! - Ch’he capito?
Vo’ dicere, nun sai niente d’’a vita...”-
-“Pecchè, tu ne sapisse cchiù ‘e me?!”-

-“ E’ certo, nun capisci proprio niente...,
tenimmo ‘o fosforo, int’’e cerevelle!
Se n’è ghiuta una? N’ata, assai cchiù bella,
vedrai che, prima o poi, verrà cu te!

Pirciò, io e te, facimmo chisto patto:
tu posa ‘a preta, io schiatto ‘o palluncino,
e si, ccà, ce ncuntrammo, ogni matina
vo’ dicere ca si, se po’ campà!”-

Nu tuffo e ‘o pesciolino se tuffaie,
io avutaie ‘e spalle e me ne jette,
nfuso ‘e sudore, me levaie ‘a giacchetta:
ma, mò, si ‘o conto, chi me crede a me?

23.8.2018
@Wincenzo De Bernardo
imm. dal Web