Me tieni arravugliato come un aspo,
si’ tu ca tiri ‘o filo, a tuo piacere,
ca si ce penso, mò, me pare ajere,
quando dicive: evviva ‘a libertà!
Ma quando mai…, me sento prigioniero,
si’ tu che fai e disfi la matassa,
ca ‘e vvote, penso: beh, forse le passa…,
ma no, decidi tu pe’ mme e pe’ te!
Si penso ‘e me jì a fa na cammenata,
‘a faccio, si, ma no cchiù ‘e ciente metre,
pecchè c’’o filo, tu me tiri arete
e allucche: addò pensave ‘e te ne jì?
Ma qualche ghiuorno ‘e chiste, io t’’o ffaccio,
dongo nu strappo forte e cchiù deciso
e senza ca me tiri p’’a cammisa,
stavota nun ce ‘a fai a me trattene!
19.7.2020
@Wincenzo De Bernardo "Premio Parole Nuove" AnimaDiVento2020
Nessun commento:
Posta un commento