"Albagia" Di Vincenzo De Bernardo

Chesta parola, a mme, nun appartiene,

serve a chi modestia non ne tiene,

a chi pensa ‘e sapè troppo o assai

e invece, pò, cumbina sulo guai!

Di solito ‘o ffa chi tene ‘e sorde

ma da dove proviene, isso s’’o scorda,

mò, tene ‘a villa a mare, con le amiche

e s’è scurdato quando dint’’o vico,

‘a mamma soja, appriesso s’’o purtava

ma, già da allora, nun se suppurtava,

sempe indisponente con gli amici

e ‘o pate ‘o richiamava: “ Ma che dici!?”

Mò, invece, e nun se sape comme ha fatto,

s’è truvato cu ‘e sorde, all’intrasatto,

cumanna ncoppa, sotto, a dx, e a manca,

tanto cu ‘e sporde, pensa ‘e s’’a fa franca!

Ma vene ‘o juorno c’’o passo troppo gruoso

e va a fernì c’’a capa dint’’o fuosso!

@Wincenzo De Bernardo Premio Parole Nuove AnimaDiVento2020