Comme aggia fa, me sento ‘o ffuoco, ncuorpo,
è ‘o caso ‘e dicere che sono adusto
e stammo a luglio, peggio sarà agosto,
p’ammore ‘e Dio, nun ce voglio pensà!
E ce mancava pure ‘a mascherina,
ca già se steve buono cumbinate,
chisto Covid, a nuje, ce ha arruvinate
e nun se sape quando fernarrà!
Chi dice: sta passanno… meno male…,
chi dice che a settembre sarà peggio,
che posso fa, m’assetto ncopp’’a seggia,
for’’o balcone e nun me movo cchiù!
Lente p’’o sole, ‘a cuppulella ncapa,
ma si, me voglio addiventà cchiù adusto…,
nun c’è perdenza si ce provo gusto,
sotto ‘o sole, me voglio arrustì!
©Wincenzo De Bernardo "Premio Parole Nuove AnimaDiVento2020"
Nessun commento:
Posta un commento