M’aggia truvà nu posto addò nisciuno
me po’ truvà quando me sta cercanno,
io nun ‘o ssaccio ll’ate comme fanno
ma io nun riesco cchiù a suppurtà!
me po’ truvà quando me sta cercanno,
io nun ‘o ssaccio ll’ate comme fanno
ma io nun riesco cchiù a suppurtà!
Io nun supporto chi è indisponente,
chi te ncontra p’’a via e nun saluta,
chille ca vonno fa, sempe, ‘e sapute
e, po’, nun sanno niente…, ma pecchè?
chi te ncontra p’’a via e nun saluta,
chille ca vonno fa, sempe, ‘e sapute
e, po’, nun sanno niente…, ma pecchè?
Io nun supporto quando ncopp’’o mezzo,
occupa ‘o posto, ‘o giovane assettato,
mentre na vecchia, all’erta, s’è stancata
ma pe’ decoro manco ‘o sta a guardà!
occupa ‘o posto, ‘o giovane assettato,
mentre na vecchia, all’erta, s’è stancata
ma pe’ decoro manco ‘o sta a guardà!
E nun supporto sti politicante,
col culo incollato ncopp’’a seggia
e se ne fottono ‘e chi sta peggio
e ‘a fine ‘o mese nun ce po’ arrivà!
col culo incollato ncopp’’a seggia
e se ne fottono ‘e chi sta peggio
e ‘a fine ‘o mese nun ce po’ arrivà!
Io nun supporto…, ma parlo a vacante,
pecchè, purtroppo, ccà, è sempe ‘o stesso,
c’è sempe chi ce prova a te fa fesso,
sta storia quanto ancora addà durà?!
pecchè, purtroppo, ccà, è sempe ‘o stesso,
c’è sempe chi ce prova a te fa fesso,
sta storia quanto ancora addà durà?!
Copyright@Wincenzo De Bernardo
Imm@AmVezio olio su tela
Nessun commento:
Posta un commento