‘A VUO’ FERNI’? -Vernacolo campano- Vincenzo De Bernardo

-“ ‘A vuò fernì, che fai, ma fusse scemo?

Pe’ caso, te vuò fa saglì ‘a pressione?”-
-“ Rusì, lasseme fa, pe’ mò, sto buono,
chisto mumento nun m’’o ntussecà!

In fondo, po’, che sto facenno ‘e strano,
nu bacio doce doce, ncopp’’o musso…,
he visto, songo addiventato russo,
ma dico: zitta, nun te fire ‘e sta?”-

-“’O fatto sai qual è…tu tieni ‘e baffe
e tu ‘o ssai ca io soffro ‘e prurito…”-
-“ Rusì, cu tutto ca ‘e tengo ‘a na vita,
pe’ te, dimane, m’’e vaco a taglià!”-

9.5.2015
Vincenzo De Bernardo