Int’’o silenzio d’’a nuttata chiena…,
nu strepito, nu suono, nu rummore
e me so’ dumandato: a chest’ora
chi è ca tene voglia ‘e pazzià?
E me songo girato all’ata parte,
vulevo piglià, n’ata vota, suonno…,
che vuò durmì, io stevo ncopp’’a ll’onne
e na sirena steve appriesso a mme!
E me diceva: scetete, che fai,
è na semmana ca te sto cercanno…,
e io, c’’o core nganno, pe’ ll’affanno,
nun riuscevo manco a respirà!
E a uocchie chiuse, aggio fatto nu sforzo:
-“ Sirena mia, levete ‘a dint’’e rrecchie,
te si’ accorta o no ca songo viecchio,
mò, nun è cosa cchiù, a chest’età!”-
18.1.2021
©Wincenzo De Bernardo Premio Parole Nuove
AnimaDiVento2021
Nessun commento:
Posta un commento